TWITTER MAWLH HI !

Kum 2006 February 26–27 khan Jack Dorsey leh a thian te pathum Noah Glass, Evan Williams  leh  Biz a te chuan Text message (SMS) hmanga an status  share theihna turin Status Concept project an ruahman a. Jack Dorsey hi an thluak bur ber a ni.

Tichuan, march 21, 2006   khan official in Twitter (https://twitter.com) chu   San Francisco, California, United States ah an dina. Twitter  hotupa ber (CEO) chu  Jack Dorsey  a ni.  Headquarters hi  San Francisco, California, United States ah a awm mek.  Tunah hian khawvel puma Twitter employee te hi  3,920  an ni. Twitter employee te hi Tweep an ti.

Twitter tih hming phuahtu hi Noah Glass-a a ni. Twitter tih hi a lamtawiin Twttr tiin an hmang thin bawk. Twitter awmzia chu chawl lova Sava hram/ chiap ri neuh neuh tihna ani . A rawn lar chho zel a, nang leh kei pawhin kan lo hmelhriat ve ta viau anih hi!

Twitter hmanga kan thu thawn hi tweets tiin an vuah a. Tweets khatah hian 140 characters a awm thei a, Thulakna website/ resource  link a dah tel theih bawk. Atirah chuan Thuziak (text) chauh a support. An upgrade zel a, tunah chuan micro blogging an tih mai, chhiar tuten like & Comment kan pe theihna leh  audio, images & video  link dah tel theihna platforms changtlung tak a ni ta. Khawvela social networks  lar ber zinga mi a rawn ni chho ta a ni.

Twitter a thu thawn hmasa ber tu chu Twitter co-founder Jack Dorsey a ni. March 6, 2006  khan “just setting up my twttr” tih thu a thawn. Kum 15 hnuah he a thu ziak hi  US dollar 2.4 ( India pawisa  Vaibelchhe  18 ) laia  man tovin acution a ni nghe nghe. India ramah July 2006 khan kan hmang tan a, a hmang hmasa ber tu chu Professional  Photographer, Blogger leh  Artist ni bawk Naina Redhu-i a ni. 13th July 2006 khan a hmang. A thu post chu  "Hello" tih hi a ni.

Kumin 2021 April thla thlenga Twitter hmangtu tamna te chu  (maktaduai bi in)  United States (73.2), Japan(54.15)  leh India (18.8)  te an ni. Tunah hian maktaduai 353 zet atamin kan hmang mek ani.  

India ah chuan Twitter Communications India Private Limited Mumbai (Maharashtra)  hi Twitter office hmunpui ber a ni. 20 Feb, 2013 khan din a ni. State hrang hrangah office a awm bawk. India rama Twitter hotupa ber chu India journalist Raheel Khursheed  a ni. Anantnag, Kashmir apiang a ni. Tunah hian CNN-IBN, Times Now, leh Radio Kashmir ah Journalist hna a thawk mek.

Mizoramah pawh Covid news leh breaking news  share nan Twitter hi kan hmang lar hle mai.  A lar zual te chu :

1.      DIPR TWITTER

https://twitter.com/dipr_mizoram?ref_src=twsrc%5Egoogle%7Ctwcamp%5Eserp%7Ctwgr%5Eauthor

2.      DD NEWS TWITTER

https://twitter.com/DDNews_aizawl

3.      ALL INDIA RADIO TWITTER

https://twitter.com/airnews_aizawl?ref_src=twsrc%5Egoogle%7Ctwcamp%5Eserp%7Ctwgr%5Eauthor

4.      VANGLAINI TWITTER

https://twitter.com/VanglainiDaily?ref_src=twsrc%5Egoogle%7Ctwcamp%5Eserp%7Ctwgr%5Eauthor

5.      ZONET CABLETV TWITTER

https://twitter.com/ZonetCableTV

6.      ZOZAMTIMES TWITTER

https://twitter.com/thezozamtimes

Twitter hi a tangkai hle. I la hmanglo anih chuan, https://twitter.com/  atangin Twitter account siam rawh le.Tin,  playstore atangin Twitter App download la,  Sign up  theih bawk. A chunga mite hi follow  rawh le. Tichuan, news thar lam ber ber awlsam takin lo chhiar ve thin dawn nia.